القائمة الرئيسية

الصفحات

أخبار الاخبار

اخيرا ماسترد كارد في السودان بي شكل رسمى استخراجها الآن

اخيرا ماسترد كارد في السودان بي شكل رسمى وسنعرض في هذا المقال طريقة استخراج البطاقة وطرق الإيداع فيها وطرق السحب منها وفوائدها لي المستخدم 



طرحت بعض البنوك السودانية والبنوك الخارجية قبل ثلاثة شهور تقريبا حصولها على تصريح او إذن استخراج بطاقة ماسترد كارد وفيزا كارد. ومن ضمن هذا البنوك ثلاثة بنوك بنك الخرطوم وينك المال المتحد وبنك قطر الدولي وجات التصريحات من البنوك بشكل رسمى أنهم حصلو على خدمات الفيزا في السودان. 


اعلن اليوم 15 يوينو بنك قطر الدولي عن دخول الماسترد كارد السودان والآن يبدأ استخراجها للمواطنين بشكل رسمى نقول ليكم بشكل رسمى أصبحت الماسترد كارد في السودان والآن يتم استخراجها من بنك قطر الدولي فقط وبقيت البنوك لم تعلن بعد موقع البنك في الخرطوم لديهم ارقام تواصل من بعد للإستفسار 0156772100


كيف يتم استخراج البطاقة من البنك اولا لازم يكون عندك  حساب شخصى او حساب جارى في البنك بي العملة دولار يعني يكون عندك حساب بي الدولار طيب عشان انت تفتح حساب بي الدولار لازم يكون عندك كحد ادني 500دولار او الف دولار طيب بعض البنوك تطلب الف دولار وديعة لفتح الحساب عشان كده انت شيل معاك الف دولار وامشي البنك دي الخطوة الأولي.  ولو عندك حساب بي الدولار م محتاج تفتح حساب طبعا والحساب لازم يكون في بنك قطر الدولي طبعا الموجود فيه إصدار البطاقة بعد فتح الحساب الخطوة الثانية استخراج البطاقة وربطها بي الحساب طبعا لو عندك حساب قديم في البنك بي الدولار حتى لو فيه 100دولار ما مشكلة عادي بتطلع البطاقة بعد.يتم إصدار البطاقة وربطها بي الحساب تستغرق فترة بين3الي5 ايام تقريبا ويمكن في البداية المستخدم يواجه مشاكل لانو الموضوع جديد عليه عشان كده الناس تطول بالها للموضوع وتسأل القدامها. 


تغذية الحساب طبعا بعض الناس مفتكرين انو تتم تغذية الحساب بي الجينة السوداني بمعنى انو بسعر السوق الرسمي يعني سعر الدولار الرسمى 56ج تقوم تغذية الحساب بي الف جينة وتقلبها دولار في الحساب تبق ليك قرابة 20دولار .احب اقول ليك شيل الفكرة من راسك الحساب تتم تغذية بي الدولار اذا كان من الخارج او الداخل يعني ممكن زول من بره ينزل ليك في البطاقة الف دولار وانت ممكن ترسل برضو من البطاقة ام التغذية من الداخل عن طرقتين الطريقة الأولي زول من السودان يرسل من بطاقتو او تمشي تشترى ليك دولار من السوق السوداء وتجي تغزي حسابك ام غير كده ماف طرق. 

انا ما داير اطمم بطن الناس لكن لو داير تفتح حساب بتحتاج ليك زي 160الف ج سوداني اقل شي عشان تقدر تشترى ليك الف دولار تودعها في الماستر كارد.  طبعا المستفيد من الموضوع التجار وتجار العملة مما يزيد الطلب على الدولار داخليا ويؤدي الي ركود مستمر والتجار مستفيدين من الشراء من الخارج بدون تكلفة وبدون عناء بمعني ممكن تشترى بضاعة وانت في السودان وتوصلك عبر شركات الشحن وممكن تشيل قروشك كلها في البطاقة وتمشي تشترى بيها البضاعة العايزها بدون مشاكل مالية.

كيف ممكن تطلع البطاقة من أجل العمل الموضوع بسيط ممكن تشتركو زملاء في العمل او الجامعة او مؤسسة خاصة او عامة المهم تشتركو في البطاقة وتطلع بي اسم واحد فيكم وتبدو تغذو الحساب وتجيبو بضائع من الخارج بدون تسافر او طلع شبر من السودان. 

ان شاءالله اي زول شاف المقال ده يطلع بطاقة ماسترد كارد ويتهنى بيها ويتفسد منها وموجود شرح كامل للبطاقة على اليوتيوب على قناتنا (اربح من بيتك)

هل اعجبك الموضوع :

تعليقات

3 تعليقات
إرسال تعليق

إرسال تعليق