القائمة الرئيسية

الصفحات

أخبار الاخبار

|تحويلات المغتربين| والاستلام بالعملة الحره للسودانين تعرف عليها2020

تحويلات المغتربين والاستلام بالعملة الحره داخل السودان بدون عمولة تذكر


عملية التحويل:-

الكثير من المغتربين يعانو من مشكلة التحويل للداخل وخاصه في ظل الحظر الدولي والمصرفي على السودان، ولكن الآن الأمور تسهلت وبدات عمليات التحويل من داخل السعودية للسودان والاستلام بالعملة الحره ، يعني تحول ريال تستلم ريال داخل السودان. 


طريقة التحويل من السعودية:-

تمشي اقرب فرع لبنك الجزيرة في السعودية، تطلب من الموظف تحويل خارجي للسودان، ح يديك فورما (ورقة) تملئ فيها بياناتك اسمك والمبلغ ورقم التلفون ((والاستلام)) جينة ولا ريال سعودي طبعا انت ح تكتب ريال سعودي، وتكتب بيانات الشخص المستلم في السوادن العمولة تقريبا 0.25% يعني لو حولت 100ريال العمولة فيها 2.50ريال اثنين ريال ونصف الريال ، طبعا بتدى الفورما للموظف وتنتظر عملية مراجعة بياناتك وبعد يتم التحويل ح يديك ورقة فيها رقم مكون من  10 او 9 ارقام ترسله للمستلم مباشره. 


الاستلام داخل السودان:-

انت ترسل للمستلم في السودان الرقم المكون من  10 ارقام ، بعد 12 ساعة من عملية الإرسال ح يتصلو على زولك المستلم في السودان موظف من بنك الخرطوم وح يورى يجي ياتو فرع عشان يستلم، أو ممكن زولك يمشي طوالي خرطوم 3 ( حديقة القرشي ' البوابة الجنوبية يمشي بي شارعها طوالي يعني يمشي جنوب ح يلق الفرع هناك ولو سأل اي زول قال ليه عايز فرع بنك الخرطوم حديقة القرشي ح يوصوف ليه وبي كده تقدر تحتفظ بي أموالك عمله حره بعيد عن سمساره العملة وتجار العمله .

هل اعجبك الموضوع :

تعليقات