القائمة الرئيسية

الصفحات

أخبار الاخبار

طريقة تحويل الأموال من الخارج بعد تعويم الجينة| لاستلام بالعملة الصعبة

 التحويل من الخارج للسودان والستلام بالعملة الصعبة(الدولار بعد تعويم الجينة) او الاستلام بالجينة السوداني 


مقدمة:-

تم تعويم الجينة السوداني لي يتماشى مع سعر السوق السوداء ومساعدة المغتربين في التحويل المباشر عبر بوابات التحويل الرسمية، وهنا تختلف طرق التحويل من بلد لي اخر، وتختلف طريقة الاستلام في ناس عايزه تحول وتستلم جينة سوداني وفي ناس عايزه تحول وتستلم بنفس العملة، دولار ريال درهم..الخ .

طريقة التحويل من اي بلد عبر صرافة وسترينون:-

الكثير من السودانيين بحولو عبر صرافة وسترينون من فتره بعيدة جدا، وبتسلم دولار ، طريقة التحويل بسيطة شديد، تمشي اقرب فرع خاص بي وسترنيون وتطلب ورقة او فورما(تحويل خارجي) وتبدا تنزل بيانات المستلم،  الاسم البلد ورقم التلفون، ملاحظة مهمة شديد، الاسم لازم يكون نفس المجموعة على هوية المستلم اذا كان جواز او بطاقة قومية، بتحول وبترسل إيصال الاستلام لي للزول المستلم.

طريقة الاستلام من صرافة وسترينون:-

هنا المستلم بعد يستلم الايصال، وهو فيه رقم التحويل مكون من 10 ارقام، أو 9ارقام حسب الصرافة التم التحويل منها، تمشي فرع وسترنيون في جميع افرع بنك الخرطوم،  يعني مثلا فرع الموردة،  فرع شارع الجمهورية، فرع الرئاسة فرع مول الواحة...الخ، تشيل معاك بطاقتك القومية او الجواز، تطلب من الموظف فورما استلام،  بديك ورقة تكتب فيها الاسم ورقم التحويل والمبلغ والبلد المرسل منها القروش، تنتظر دقايق وتستلم. 

التحويل للسودان بطرق ثانية وساهلة:-

طبعا اي زول مغترب يمكن ما يكون جنبو صرافة وسترينون، بالنسبة للسعودية،  تمشي اي بنك وبي الأخص بنك الجزيزة، تطلب فورما تحويل خارجي تكتب بيانات المستلم واهم شي تكتب الاستلام عبر بنك الخرطوم او بنك فيصل الإسلامي،  تنتظر بديك ورقة الاستلام،  ترسلها للمستلم ، والطريقة بتنجح من اي بلد، يعني التحويل بيكون بالسهولة دي، بعدين انت تحدد عايز تستلم دولار ولا جينة ولا بنفس العملة المحولة .

التحويل من الامارات:-

نفس الخطوات أعلاه ممكن تحول من بنك فيصل، وبنك أبوظبي.. الخ، لكن هنا في صرافة ممتازه جدا، الأنصاري للصرافة، اولا مميزاتها العمولة 2%فقط يعني حولت الف دولار،  بتصلك 980دولار، والتحويل فيها سريع وبسيط، وتقدر تحول بي عملة وتستلم في السودان بالدولار ، الصرافة دي جنوب شارع الجمهورية،  وقدام برج البركة لو عايز يستلم منها.

وهنا بيكون خلصنا واذا في اي إضافات جديدة سيتم إضافتها مع هذا المقال

هل اعجبك الموضوع :

تعليقات