القائمة الرئيسية

الصفحات

أخبار الاخبار

كيف تستفيد نقاط من التحويلات للسودان؟( للمغتربيين)

 كيف تستفيد نقاط من التحويلات للسودان؟( للمغتربيين)


كثير من المغتربين يقومو بتحويل الأموال مباشره، عن طريق الصرافات او عن طريق البنوك،  وفي هذه الحالة لا يحصل المغترب على شئ ، غير القروش التي قام بتحويلها .

نريد أن نوضح للمغترب كيف يستفيد من الأموال التي يريد تحويلها للسودان، ويحصل على امتيازات من بنك المركزي،  في حال رغب المغترب في شراء أرض او بيت او ، يريد استيراد سياره او اي شي يخصه. 

الطريقة عزيزى المغترب مثلا عندما تريد ، أن  تستورد عريبة،  حتى تتم جمارك العربية ...الخ ، بحتاج الي دليل يسمى دليل تحويلات المغترب،  وهو عباره عن المبالغ التي دخلت البنوك السودانية بالعملة الأجنبية،  ريال سعودي، دولار ...الخ

الطريقة الصحيحة عشان تكسب ميزات الخطوات التالية:-

اولا فتح حساب في أحد البنوك السودانية بعملة البلد الأنت موجود فيها ، مثلا انت موجود  في السعودية تفتح حساب بي الريال السعودي والموضوع ما بياخذ زمن ومفيد ليك في كل الحالات ، عن تجربة أفضل بنك الخرطوم في العملات الأجنبية. .

ثانيا:- التوريد في الحساب مباشره، يعني انت في السعودية بدل تحول للسودان عن طريق الحولات..الخ، تنزلها في حسابك البنكي وبعدين تبدلها،  طبعا انت بتسالني ابدلها كيف . 

الطريقة الأولي :- تنزلها ريال في حسابك وتكتب تنزل في حسابك بي الجنيه السوداني، بكده بتنزل ريال سعودي ، وبتتحول لي جنيه سوداني،  وتقدر ترسلها عبر بنكك للوجه العايزها .

الطريقة الثانية:- في حال ما عايز ترسل مصاريف ولا عايز ترسل قروش للسودان، تنزلها في حسابك بي بالريال السعودي،  وتتحفظ بي الريال السعودي بكده ، لم تجي السودان تفك بمزاجك وانت المستفيد .

الملخص:-

بعد عملنا الحساب ونزلنا فيه القروش بي العملة الأجنبية كده انا كل تعاملاتي محفوظة،  يعني لو نزلت 30الف ريال سعودي  او ما يعادلها من الدولار في حسابي وحولتها لجنيه سوداني مسموح لي استورد عربية واجمركها بنص القيمة، انت مستفيد صح؟ وهاكذا تقدر تستورد اكتر من عربية وتقدر ترفع قيمة حسابك بي القروش البتخش حسابك،  اتخيل لو انت كل سنة بتنزل 100الف ريال سعودي في حسابك،  تقدر تجيب اكتر من عربية .

اعقتد الفكره كده وقعت ليكم ، الهدف الأساسي ما دايرين تضيع فرصة الاستفادة من التحويلات،  وانت ممكن تكون ذكى تلم قروش ناس وتنزلها في حسابك تحفظها ليهم وبعدين تبدلها بتتحسب في صالحك.

هل اعجبك الموضوع :

تعليقات